Studieplan for MAHF-NORD Masterprogram i nordisk språk og litteratur, vår 2026
Omfang og studiepoeng
120
Namn på grad
Master i nordisk språk og litteratur
Fulltid/deltid
±«²Ô»å±ð°ù±¹¾±²õ²Ô¾±²Ô²µ²õ²õ±è°ùÃ¥°ì
Norsk, ev. dansk og svensk, på dei fleste emna. Engelsk kan verte brukt på NOFI-emne.
Studiestart - semester
MÃ¥l og innhald
Studiet i nordisk språk og litteratur skal gi kunnskapar på avansert nivå i utvalde vitskaplege disiplinar innanfor nordisk. Nordisk femner om litteratur og språk frå både eldre og yngre tid. Til fagområdet høyrer òg nordisk fagdidaktikk og norsk som andrespråk.
Studentane har ein høg grad av valfridom. Studiet tilbyr ei rekkje språklege og litterære emne som dels går att med jamne mellomrom, dels er eingongstilbod, jf. oversyn nedanfor. Studentane kan velje å konsentrere seg om berre litteratur eller berre språk, eller dei kan kombinere litterære og språklege emne.
³¢Ã¦°ù¾±²Ô²µ²õ³Ü³Ù²ú²â³Ù±ð
Kunnskap:
Kandidaten
- har avansert kunnskap innanfor nordisk språk og litteratur og spesialisert innsikt i det emnet han eller ho har skrive masteroppgåve om
- har inngåande kunnskap om vitskaplege teoriar og metodar i nordisk
- kan bruke kunnskapen på nye område av nordisk språk og litteratur
- kan analysere faglege problemstillingar med utgangspunkt i nordiskfagets tradisjonar, eigenart og plass i samfunnet
Ferdigheiter:
Kandidaten
- kan analysere teoriar, metodar og fortolkingar innanfor nordisk språk og litteratur og kan arbeide sjølvstendig med praktisk og teoretisk problemløysing
- kan bruke nordiskfagets metodar for forsking og fagleg utviklingsarbeid på ein sjølvstendig måte
- kan analysere og drøfte språklege og litterære primær- og sekundærkjelder innanfor nordisk kritisk og bruke dei til å strukturere og formulere faglege resonnement
- kan gjennomføre eit sjølvstendig, avgrensa forskingsprosjekt i nordisk språk og litteratur under rettleiing og i tråd med gjeldande forskingsetiske normer
- kan skrive ein lengre vitskapleg tekst innanfor nordisk i samsvar med krav til godt språk, klare resonnement og god tekststruktur
- kan skrive bokmål og nynorsk korrekt og godt og bruke språket på måtar som er tilpassa føremålet
Generell kompetanse:
Kandidaten
- kan analysere fag-, yrkes- og forskingsetiske problemstillingar i nordisk språk og litteratur
- kan bruke kunnskapane og dugleikane sine på nye område for å gjennomføre avanserte arbeidsoppgåver og prosjekt
- kan formidle omfattande sjølvstendig arbeid og meistrar dei uttrykksformene som høyrer nordisk til
- kan kommunisere om faglege problemstillingar, analysar og konklusjonar innanfor nordisk språk og litteratur, både med spesialistar og allmenta
- kan bidra til nytenking og innovasjon, særleg på felt der språk og litteratur står sentralt
Opptakskrav
Masterprogrammet i nordisk språk og litteratur byggjer på ein bachelorgrad med minst 80 studiepoeng fagleg fordjuping i nordisk språk og litteratur eller norsk som andrespråk, eller tilsvarande.
Bachelorgrad frÃ¥ ºÚÁϳԹÏ×ÊÔ´ som kvalifiserer:
- Bachelorgrad i nordisk språk og litteratur
- Bachelorgrad i norsk som andrespråk
- Bachelorgrad i nordisk med spesialisering i nordisk språk og litteratur
- Bachelorgrad i nordisk med spesialisering i norsk som andrespråk
Andre bachelorgradar som kvalifiserer:
- Andre bachelorgradar kan kvalifisere dersom du har minst 80 studiepoeng i nordisk språk og litteratur eller norsk som andrespråk eller tilsvarande.
Du må også ha:
- Snittkarakter på minimum C i emna du får opptak på grunnlag av.
- Språkkrava i både norsk og engelsk for dette studieprogrammet dekker du med , anten på grunnlag av norsk vidaregåande skule eller på annan måte.
Tilrådde forkunnskapar
Gode leseferdigheiter i engelsk og skandinaviske språk.
Obligatoriske emne
NOLISP350 Nordisk: Masteroppgåve i nordisk (60 studiepoeng)
NOLISP300 Nordisk: Prosjektførebuande emne
Tre av desse emna:
NOLI311 Nordisk: Litterært masteremne C
NOLI312 Nordisk: Litterært masteremne D
NOLI321 Nordisk: Litterært masteremne A
NOLI322 Nordisk: Litterært masteremne B
NOLI307 Nordisk: Litterær analyse og teori
NORAN320 Særemne i norsk som andrespråk
NOSP312 Nordisk: Språkleg masteremne A
NOSP313 Nordisk: Språkleg masteremne B
NOSP315 Nordisk: Språkleg masteremne C
NOSP316 Nordisk: Språkleg masteremne D
Alternativt kan ein byte ut eitt av emna på lista ovanfor med eitt av desse emna:
KVIK203 Litteratur, kjønn og kultur (dei semestera nordisk litteratur tilbyr undervisinga)
LEX200 Ordkunnskap og norsk ordboksarbeid
NOFI300 Norrøn filologi særemne I
NOLI320 Nordisk: Litterært særemne (berre etter søknad)
NOSP320 Nordisk: Språkleg særemne (berre etter søknad)
ALLV303 Litteraturvitskapleg særemne (berre i vårsemesteret)
NORAN250 Andrespråkslingvistikk med bacheloroppgåve
Studentar som planlegg å søkje opptak til Praktisk-pedagogisk utdanning (PPU), må sørgje for å ha minimum 30 studiepoeng i nordisk litteratur til saman på bachelor- og masterstudiet.
Tilrådde valemne
Rekkefølgje for emne i studiet
Ved oppstart om hausten
1. semester (haust): to av desse emna: NOLI311, NOLI322, NORAN320, NOSP313, NOSP316, NOLI307
2. semester (vår): NOLISP300 og eitt av desse emna: NOLI321, NOLI312, NORAN320, NOSP312, NOSP315
3. og 4. semester (haust og vår): NOLISP350
Ved oppstart om våren
1. semester (vår): to av desse emna: NOLI321, NOLI312, NORAN320, NOSP312, NOSP315, NOLI307
2. semester (haust): NOLISP300 og eitt av desse emna: NOLI311, NOLI322, NORAN320, NOSP313, NOSP316, NOLI307
3. og 4. semester (vår og haust): NOLISP350
Delstudium i utlandet
Det er mogleg å ta delar av studiet ved institusjonar i utlandet. Det er særleg universitet i dei nordiske landa som er aktuelle (Danmark, Sverige, svenskspråklege institusjonar i Finland, Island, Færøyane). Spesielt tilrådde utvekslingsstader er Universitetet i Uppsala, Universitetet i København, Aarhus Universitet, Helsingfors Universitet, Ludwig-Maximilians-Universität München og Amsterdam Universitet.
Dersom ein skal ta emne i norsk som andrespråk kan det vere aktuelt å nytte dei tilrådde avtalane på dette fagfeltet. Sjå studieplanen for bachelorprogrammet.
Studierettleiaren hjelper til med å finne relevante studium og ordne utvekslingsavtaler.
Tilrådd semester for utanlandsstudium er 2. semester.
Arbeids- og undervisningsformer
Undervisninga har form av førelesingar og seminar der det er forventa at studentane deltek aktivt. På somme emne har studentane ansvar for avgrensa delar av undervisninga eller for å lage kortversjonar av pensum til deling med medstudentar (som obligatorisk aktivitet).
Rettleiing på semesteroppgåver og på masteroppgåva.
Vurderingsformer
På programmet brukar ein følgjande vurderingsformer på emne frå nordisk (med emnekode på NOFI-, NOLI-, NOSP-, NOLISP-, NORAN-):
- rettleidde semesteroppgåver
- rettleidde masteroppgåver
- munnlege eksamenar
- heimeeksamenar
- mappevurderingar
På andre emne kan andre vurderingsformer førekomme.
Vitnemål og vitnemålstillegg
Karakterskala
Karakterskala A - F
Grunnlag for vidare studium
Relevans for arbeidsliv
Kompetanse i nordisk språk og litteratur er etterspurd i mange ulike yrke og bransjar, både private og offentlege.
Generelt gir studiet ein praktisk og teoretisk tekst- og språkkompetanse som, kombinert med annan relevant kompetanse, kan kvalifisere for arbeid over alt der det krevst evne til språkleg formidling og til vurdering og utvikling av tekst, t.d. i undervisnings- og informasjonsarbeid, i forlag og kulturinstitusjonar, i offentlege etatar, private føretak og organisasjonar.
Dersom du fullfører masterprogrammet, kan du ta .
Mastergrad i nordisk språk og litteratur kvalifiserer til vidare forsking dersom studenten oppnår gode resultat.
Evaluering
Masterprogrammet blir kontinuerleg evaluert i trÃ¥d med retningslinene for kvalitetssikring ved ºÚÁϳԹÏ×ÊÔ´. Emne- og programevalueringar finn ein pÃ¥ kvalitetsbasen.uib.no
Programansvarleg
Administrativt ansvarleg
Det humanistiske fakultet ved Institutt for lingvistiske, litterære og estetiske studium har det administrative ansvaret for studieprogrammet.
Spørsmål kan rettast til studierettleiaren på programmet: