Arabisk språk med Midtaustens historie (bachelor)
Arabisk vert brukt i store delar av Midtausten og Nord-Afrika. Hos oss får du lære om språket og korleis ta det i bruk. Du får også brei kunnskap og kompetanse i Midtaustens historie. Det er viktig før du skal reise ut på eit studieopphald i Midtausten.
- Varigheit
- 3 år
- Studieplassar
- 15
- Studiepoeng
- 180
- Studiestart
- Haust
- ±«²Ô»å±ð°ù±¹¾±²õ²Ô¾±²Ô²µ²õ²õ±è°ùÃ¥°ì
- Norsk og arabisk
Kva lærer du?
Programmet er laga for studentar som ikkje kan arabisk frå før. Du får eit intensivt språkkurs i moderne standardarabisk frå null og opp til eit mellomnivå, og ei grundig opplæring i praktisk arabisk grammatikk og faglege hjelpemiddel.
Vi har eit mål om å gi studentane ei teoretisk innføring i arabisk språkkunnskap (litteraturhistorie, språkhistorie, sosiolingvistikk og dialektlære). I tillegg skal du arbeide med tekstanalyse og omsetjing. Du skal evne å bruke arabisk språk på ein reflektert og kritisk måte og etter avslutta studium ha kompetanse til å vidareutvikle eigne språkkunnskapar.
Du vil lære meir om Midtaustens historie og få kompetanse i bruk av historiske kjelder, teoriar og metodar. Ved å kombinere historie og arabisk språkkunnskap får du styrka ferdigheiter og fordjupa kunnskap om Midtausten i heilskap. Du skal også reise ut på eit studieopphald til eit land i Midtausten.
Studiekvardag
Det krev mykje arbeid og innsats å lære seg eit framandspråk, men du skal ikkje gjere alt på eigenhand. Vi tilbyr fleire former for undervisning som legg til rette for læring:
- ¹óø°ù±ð±ô±ð²õ²Ô¾±²Ô²µ²¹°ù
- Seminarundervisning
- Individuell rettleiing
- Feltarbeid
- ³§±è°ùÃ¥°ì²õ°ì³Ü±ô±ð
I undervisninga får du arbeidde med fagstoff og faglege problemstillingar, gjennom oppgåver, presentasjonar og andre studentaktive læringsformer. Vi lærar best saman og difor er mesteparten av undervisninga obligatorisk. Etter undervisninga er det tid for sjølvstudium (løyse oppgåver, lese pensum etc.). Du må sette av rikeleg med tid for å oppnå progresjon og kjenne på fagleg meistring. Programmet er difor å rekne som eit fulltidsstudium.
Vi kan tilby flotte undervisningslokale plassert i Bergen sentrum. Du har tilgang på lesesalar, grupperom, bibliotek og andre vrimleareal som innbyr til fagleg samarbeid.
Kva kan du jobbe som?
Programmet gir ei tverrfagleg kompetanse som kan vere aktuell å ta i bruk i arbeid med integrering eller i møte med personar frå arabiskspråklege kulturar.
Arabisk språk og områdekunnskap kan med fordel kombinerast med andre fag for å oppnå ei bestemt spisskompetanse, til døme med historie, statsvitskap, sosialantropologi, religionsvitskap, informatikk eller norsk som andrespråk.
Nokre aktuelle arbeidsplassar kan vere i:
- Offentleg forvaltning
- Diplomatiet
- Humanitære organisasjonar
- Næringslivet (turisme og handel)
- Journalistikk
Opptakskrav og søknadsfrist
Du må dokumentere generell studiekompetanse utan tilleggskrav. Dette er eit krav for opptak til alle studieprogram.
±«²Ô»å±ð°ù±¹¾±²õ²Ô¾±²Ô²µ²õ²õ±è°ùÃ¥°ì
±«²Ô»å±ð°ù±¹¾±²õ²Ô¾±²Ô²µ²õ²õ±è°ùÃ¥°ì: Norsk og arabisk
Våre undervisarar underviser på norsk, engelsk og delvis på arabisk mot slutten av programmet. Mykje av faglitteraturen er skriven på engelsk og norsk og ligg på eit høgt akademisk nivå. Difor bør søkarar til programmet ha gode lese- og skriveferdigheiter og forkunnskapar i både norsk og engelsk.
Studiets oppbygging
Bachelorprogrammet i arabisk språk og Midtaustens historie er eit treårig fulltidsstudium som startar i august.
Studiet er lagt opp slikt:
1. semester:
ARA100 Innføring i arabiskfaget og moderne standardarabisk
Examen philosophicum - skuleeksamen eller seminarmodell
2. semester:
ARA121 Omsetjing og praktisk bruk av arabiskfagets verktøy
ARA122 Arabisk sosiolingvistikk
3. semester:
ARA210 Arbeid med arabiske tekstar
HIM101 Oversyn over Midtaustens historie
4. semester:
ARA220 Kommunikasjon og språk i felt. I dette emnet skal studentane reise på eit studieopphald i om lag tre månadar til eit land i Midtausten.
5. semester:
Frie emne – vel blant alle opne emne ved ºÚÁϳԹÏ×ÊÔ´ eller reise pÃ¥ utveksling. Dei som planlegg Ã¥ søke om plass pÃ¥ masterprogrammet i historie bør ta 15 frie studiepoeng i historie dette semesteret. Du kan ta emne innanfor historie ved ºÚÁϳԹÏ×ÊÔ´ eller gjennom utveksling. SjÃ¥ studieplanen for fleire detaljer.
6. semester:
Utveksling
Vi oppmodar alle til å reise på utveksling i løpet av studiet og har hatt god røynsle med å sende studentar til The University of Jordan. Vi vil også nemne utvekslingsavtalen med Universitetet i København. Dei har fleire emne innanfor fagfeltet Midtausten-kunnskap.
Universitetet i Bergen har også avtalar med fleire universitet rundt omkring i verda.
Vidare studiemoglegheiter
Med denne bachelorgraden kan du kvalifisere for opptak til masterprogrammet i historie ved ºÚÁϳԹÏ×ÊÔ´. Det føreset at du tar 15 frie studiepoeng i historiefaget i tillegg til spesialiseringa. PÃ¥ masterprogrammet i historie kan du fordjupe deg i fagfeltet Midtaustens historie.
Spørsmål om studiet?
Studieplan
Ein studieplan er eit formelt dokument mellom deg som student og Universitetet i Bergen. Studieplanen skal gi tydelege rammer for studiet, beskrive læringsmåla du skal oppnå og korleis studiet er bygd opp.
Studieplan for Bachelorprogram i arabisk språk med Midtaustens historie
