ºÚÁϳԹÏ×ÊÔ´

Emnet består av ei rekke litterære hovudverk frå romantikken til og med i dag, samt eit utval litteraturteoretiske tekstar frå 1800-talet. Det vil bli lagt vekt på å sjå verka i lys av dei store litteraturhistoriske linjene (romantikk, realisme, modernisme, postmodernisme, etc.). Utvalde sekundærlitterære tolkingar av sentrale pensumverk inngår òg i studiet.

ALLV113 er ein obligatorisk del av spesialiseringa i allmenn litteraturvitskap.

Kunnskapar

Etter fullført emne har studenten

- gode kunnskapar i den eldre litteraturen frå romantikken til og med i dag

- god kjennskap til korleis skiftande epokar har forstått kva litteratur er og korleis litterære tekstar fungerer

Ferdigheiter

Etter fullført emne kan studenten

- på eit grunnleggjande nivå fortolke og samanlikne viktige verk og forfattarar i litteraturen frå romantikken til og med i dag

- gjere greie for kjenneteikn ved litteraturteori og estetikk i perioden

Generell kompetanse

Etter fullført emne kan studenten

- arbeide sjølvstendig med ei problemstilling og presentere resultat frå dette arbeidet i skriftleg, akademisk form

- leite opp nødvendig informasjon og bakgrunnsmateriale til sjølvstendig arbeid med akademiske tekstar og problemstillingar