Sosialantropologi (Ã¥rsstudium)
Sosialantropologi er studiet om sosialt og kulturelt mangfald i verda. Du lærer om korleis vi kan forstå politikk, religion, makt, økonomi, slektskap, identitet, konflikt, kommunikasjon og våre fysiske omgjevnadar, og om samanhengen mellom desse i eit heilskapleg perspektiv.
- Varigheit
- 1 år
- Studieplassar
- 19
- Studiepoeng
- 60
- Studiestart
- Haust
- ±«²Ô»å±ð°ù±¹¾±²õ²Ô¾±²Ô²µ²õ²õ±è°ùÃ¥°ì
- Norsk
Kva lærer du?
Ein student med årsstudiet i sosialantropologi
- har samanliknande kunnskap om menneskelege levemåtar verda over.
- kan bruke analytiske omgrep og perspektiv til å reflektere over lokale og globale samfunnsprosessar og endringar.
- forstår samspelet og skilnaden mellom empiri, teori og analyse i akademiske tekstar.
- kan gjere greie for faghistoriske utviklingstrekk, dei sentrale metodane og teoretiske perspektiva innan sosialantropologi.
- kan analysere korleis ein akademisk tekst er bygt opp, finne sentrale argument i tekstar, samanlikne dei og formulere ei samla framstilling av funna.
Studiekvardag
Sosialantropologi ved ºÚÁϳԹÏ×ÊÔ´ passar for deg som er engasjert, open og samfunnsinteressert, som ynskjer Ã¥ utforske verda og er nysgjerrig pÃ¥ menneske. Det er eit føremon om du likar Ã¥ reflektere over problemstillingar der du ikkje kan sette to strekar under svaret.
Årsstudiet i sosialantropologi er eit studium på fulltid. Du vil ha forelesingar, arbeidsgrupper og oppgåveskriving. Du vil óg få god tid til sjølvstudium, som lesing og kollokviegrupper. Undervisninga og litteraturen er på norsk og engelsk.
Sosialantropologi er kjent for å ha eit inkluderande og engasjert studentmiljø, med aktive studentorganisasjonar som Fagutvalet Etnografen,  tidsskriftet Kula Kula og Antrohalvtimen. Du kan vere med i antropologisk podkast, arrangere debattar og andre faglege og sosiale treff.
Instituttet held til i SV-bygget Lauritz Meltzers hus på Nygårdshøyden i Bergen sentrum.
Kva kan du jobbe som?
Arbeidslivet set høge krav til fleksibilitet, sjølvstendig tenking og evne til å sjå andre sine perspektiv. Antropologistudiet gjev deg denne kompetansen.
Nokon får jobb på grunnlag av den generelle samfunnsvitskaplege kompetansen, inkludert kvalitativ metode, ein får gjennom studiet. Andre får jobb på grunnlag av spesialiserte region- eller temakunnskapar.
Antropologar jobbar med alt frå
- forskings- og kommunikasjonsarbeid i media, og internasjonale organisasjonar.
- kulturomsetting, for eksempel innanfor flyktning- og innvandringsfeltet.
- sosialt arbeid innan barnevern, rusomsorg eller liknande.
Opptakskrav og søknadsfrist
Du må dokumentere generell studiekompetanse utan tilleggskrav. Dette er eit krav for opptak til alle studieprogram.
±«²Ô»å±ð°ù±¹¾±²õ²Ô¾±²Ô²µ²õ²õ±è°ùÃ¥°ì
±«²Ô»å±ð°ù±¹¾±²õ²Ô¾±²Ô²µ²õ²õ±è°ùÃ¥°ì: Norsk
Studiets oppbygging
Årsstudiet i sosialantropologi går over to semester og startar i august.
Du vel årsstudium med innføringsemne eller spesialiseringsemne ut i frå kva bakgrunn du har.
Årsstudium med innføringsemne
Passer for deg som ikkje har studert før, svarer til det første året i bachelorstudiet i sosialantropologi.
På årsstudiet kan du studere eit fagfelt i eitt år (60 studiepoeng). Det passer for deg som vil bygge på tidlegare utdanning, eller om du vil studere i berre eitt år. Årsstudiet med spesialiseringsemne i sosialantropologi gjev undervisningskompetanse i ungdomskulen og vidaregåande skule i samfunnsfaga.
1. semester
SANT100 – Invitasjon til sosialantropologi (10 studiepoeng)
SANT150 – Akademisk skriving, teori og metode: antropologiske tilnærmingar (10 studiepoeng)
Examen philosophicum - seminarmodell eller skuleeksamen (10 studiepoeng)
2. semester
SANT106 – Slektskap, kjønn og sosialt liv (10 studiepoeng)
SANT107 – Den materielle verda: Økologi og økonomi (10 studiepoeng)
SANT108 – Etnografi i praksis (10 studiepoeng)
Ã…rsstudium med spesialiseringsemne
Passer for deg som har studert før, og vil komplettere tidlegare utdanning eller skaffe deg undervisningskompetanse.
1. semester
SANT104 – Kultur, meining og kommunikasjon (15 studiepoeng)
SANT105 – Politikk, makt og motstand (15 studiepoeng)
2. semester
SANT106 – Slektskap, kjønn og sosialt liv (10 studiepoeng)
SANT107 – Den materielle verda: Økologi og økonomi (10 studiepoeng)
SANT108 – Etnografi i praksis (10 studiepoeng)
Utveksling
Det er ikkje moglegheit til utveksling på årsstudium.
Vidare studiemoglegheiter
Årsstudiet er ikkje eit grads- eller vitnemålsgivande studium, men det kan inngå som del av ein bachelor i sosialantropologi. Du kan søke om intern overgang dersom du vil studere meir. Etter at du har fullført bachelorgraden, kan du bygge på med ein master i sosialantropologi.
Spørsmål om studiet?
Studieplan
Ein studieplan er eit formelt dokument mellom deg som student og Universitetet i Bergen. Studieplanen skal gi tydelege rammer for studiet, beskrive læringsmåla du skal oppnå og korleis studiet er bygd opp.
