ºÚÁϳԹÏ×ÊÔ´

Målet med emnet er å gjere studenten kjend med utfordringane knytte til design av system og grenseflatar som presenterer medieinnhald. Døme er nye interaktive forteljingsformat og nye metodar for å aksessere nyhende. Emnet legg vekt på brukarevalueringar av mediebruk såvel som produksjon av medieinnhald. Emnet inkluderer følgjande tema:

Modul 1: Utforske eksperimentelt medieinnhald produsert i eit eksisterande medium. Her lærer studentane å evaluere bruk av innhald med subjektive metodar som kvalitative intervju og/eller fokusgrupper, og får innsyn i bruk av objektive metodar som blikksporing og stressarmbånd. Studentane lærer om mediebruk i utvalde sosiodemografiske grupper.

Modul 2: Utvikle medieinnhald til eit eksperimentelt, ikkje-etablert grensesnitt (til dømes dokumentar for AR- eller VR-briller). Studentane skal lage historier, storyboard og produsere animasjonar og interaktive funksjonar. Arbeidet føregår i grupper.

Det er sterkt anbefalt å melde seg som deltakar i brukerstudier. Ei slik praktisk oppleving kan vere eit godt supplement for betre å forstå litteratur om brukarstudier og eksperiment.

Studenten skal ved avslutta emne ha følgjande læringsutbyte, definert i kunnskapar, ferdigheiter og generell kompetanse:

Kunnskap

Studenten

• har kjennskap til kvalitative og kvantitative metodar innan forsking pÃ¥ brukaropplevingar knytte til mediedesign
• har kunnskap om minst eitt av følgande tema: sosiale teknologiar, spel, interaktive media, brukargenerert innhald

Ferdigheiter

Studenten

• kan presentere funn knytt til mediebruk, brukargrupper og mediebrukstrendar i samtida
• kan identifisere utfordringar og utvikle nye løysingar som betre støttar det brukarane treng
• kan nytte ulike metodar for Ã¥ studere mediebruk

Generell kompetanse

Studenten

• kan formidle sentralt fagstoff knytt til brukaropplevingar innan media, bÃ¥de skriftleg, munnleg og eventuelt gjennom andre relevante uttrykksformer
• kan utveksle synspunkt og erfaringar med fagfellar