ºÚÁϳԹÏ×ÊÔ´

Emnet gir ei innføring i innovasjons- og entreprenørskapsteori og praktisk metodearbeid. Studentane utviklar stegvis ein forretningsmodell som blir grunnlaget for nye brukarsentrerte konsept. Studentane lærer både teoretiske og bransjenære tankemåtar og metodar for innovasjon og entreprenørskap, og får praktisk erfaring med deltakarbasert design, konseptutvikling og konseptformidling. Faglærarane kjem både frå forskingsmiljøet og bransjeaktørane i og rundt Media City Bergen.

Mediefeltet er særleg interessant i eit innovasjons- og entreprenørskapsperspektiv. Feltet blei tidleg hardt råka av disruptive krefter som digitalisering og globalisering, og har lenge vore tvungne til å tenkje nytt og omstille seg. I medieklynga Media City Bergen legg ein vekt på å fremje innovasjon både innan utdanning, forsking og næringsliv, men alle organisasjonar og bedrifter på tvers av alle sektorar i samfunnet opplever i dag eit press på å vere nytenkjande samstundes som ein meistrar endring.

Studentane skal ved avslutta emne ha følgjande læringsutbytte:

Kunnskap

Studenten:

• kan gjere greie for omgrep innan innovasjonsteori og metodar, og entreprenørskap.
• kan gjere greie for omgrep innan deltakarbasert design, etnografiske metodar og brukarsentrert design.
• kan gjere greie for rolla innovasjon, entreprenørskap og konseptutvikling har i mediefeltet og i samfunnet.
• kan gjere greie for rolla immaterialrett har i innovasjon.

Ferdigheiter

Studenten:

• kan planleggje, gjennomføre, formidle og evaluere eit konsept som er utvikla i samarbeid med bransjepartnarar som involverer brukarar.
• kan identifisere behov og moglegheiter for innovasjon i og utanfor organisasjonar.
• kan vurdere kvalitet, innovasjonspotensial og levedyktigheit for eit konsept.
• kan utvikle, formidle og evaluere sin forretningsmodell.

Generell kompetanse

Studenten:

• kan formidle teoriar og metodar for innovasjon og entreprenørskap bÃ¥de skriftleg, munnleg og gjennom eigen praksis.
• kan formidle teoriar og metodar for etnografiske metodar og deltakarbasert design bÃ¥de skriftleg, munnleg og gjennom eigen praksis.
• kjenner til forskings-, utviklings- og innovasjonsarbeid innan mediefeltet, og kan oppdatere kunnskapen sin innan feltet.
• kan formidle innovasjonskompetanse bÃ¥de skriftleg, munnleg og gjennom eigen praksis.