ºÚÁϳԹÏ×ÊÔ´

²ÑÃ¥±ô

Dette kurset har som mål å gi tidlegkarriere-klimaforskarar dei nødvendige ferdigheitene til å utvikle eigne forskingsidéar til vellukka prosjektforslag.

Innhald

Studentane skal stegvis og i samspel utvikle eigne forskingsidéar til prosjektforslag, samstundes som dei lærer korleis ein skriv gode søknader. Ved starten av kurset presenterer studentane prosjektidéane sine («pitching»), og tre av desse blir valde ut til vidare utvikling som prosjektkonsept. Deltakarane vil lære om dei sentrale komponentane i eit prosjektforslag (mål, effekt/impact, arbeidsplan), formidla gjennom iterative læringssyklusar som omfattar førelesingar, gruppearbeid og plenumsøkter. Resultata frå gruppearbeidet blir presenterte i plenum og vurderte gjennom fagfelle¬tilbakemelding. Det konkrete resultatet av kurset for dei tre utvalde idéane er eit prosjektkonsept som er klart til å utviklast vidare til ei fullstendig prosjektskildring. Vidare inneheld kurset informasjon om relevante finansieringsmoglegheiter for forskarar tidleg i karrieren. Undervisningsmetodane byggjer på konstruktiv tilpassing mellom læringsutbytte og studentane sine behov, samskaping av kursinnhald mellom lærarar og studentar, og bruk av aktive læringsstrategiar.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• veit dei sentrale komponentane i eit prosjektforslag
• veit korleis vellukka forskingsprosjekt blir utvikla, strukturerte og presenterte
• veit dei mest relevante finansieringsmoglegheitene for forskarar tidleg i karrieren

Ferdigheiter

Studenten

• kan presentere ei prosjektidé kort og presist (pitching)
• kan utvikle dei sentrale komponentane i eit forskingsprosjekt – og strukturere desse til eit overtydande prosjektkonsept
• kan utarbeide eit prosjektbudsjett

Generell kompetanse

Studenten

• kan planleggje og skrive eit fullstendig prosjektforslag basert pÃ¥ eigne idéar
• kan identifisere relevante finansieringsmoglegheiter og arbeide strategisk fram mot innlevering av eit eige prosjektforslag