ºÚÁϳԹÏ×ÊÔ´

Studenten skal få fordjupa kunnskapar om førearbeid, praktisk gjennomføring, etterarbeid og rapportering frå arkeologisk feltarbeid. Undervisninga i førearbeid femner om arbeid med arkiv og innsikt i planlegging av undersøkinga. Feltopplæringa gjev kunnskap om og røynsle med utgraving, blant anna analyse av landskap, registrering, innsamling av funn, dokumentasjon og innmåling.

Undervisninga i etterarbeid femner om arbeid med arkeologiske funn og/eller naturvitskapleg prøvemateriale og rapportskriving.

Etter fullført emne skal studenten kunne/vise følgjande:

Kunnskap

Kunnskap om korleis ein planlegg, gjennomfører og rapporterer frå arkeologisk feltarbeid.

Ferdigheiter

Studenten har innsikt i korleis ein nyttar arkiv under planlegginga av feltarbeid, og i korleis ein grev ut, samlar inn funn og prøver, og dokumenterer funn, strukturar og anlegg. Studenten har også innsikt i korleis ein skriv ein arkeologisk feltrapport.

Generell kompetanse

Studenten har generell innsikt i emnet og røynsle med arkeologisk praksis og korleis resultata frå feltarbeid skal systematiserast og omsettast i kunnskap.