Lektor i nordisk (integrert master)
Kunnskap om norsk språk og litteratur er viktig for å forstå oss sjølv og vår samtid. På lektorutdanninga får du ei brei innføring i nordiske forfattarskap, litteraturteori og språkvitskap. Du lærer korleis formidle kunnskapen til elevar på ein måte som vekker leselyst og stimulerer til refleksjon.
- Varigheit
- 5 år
- Studieplassar
- 29
- Studiepoeng
- 300
- Studiestart
- Haust
- ±«²Ô»å±ð°ù±¹¾±²õ²Ô¾±²Ô²µ²õ²õ±è°ùÃ¥°ì
- Norsk
Kva lærer du?
Nordiskstudiet tar for seg litteratur og språk frå både eldre og nyare tid. Du lærer om korleis dei nordiske språka har utvikla seg, om moderne norsk språk og ulike språklege fenomen. Du lærer òg om samanhengen mellom språk og samfunn, og om å ha norsk som andrespråk. Du får ei brei innføring i dei mest sentrale verka i nordisk litteratur. Du lærer om dei litterære sjangrane og den litteraturhistoriske utviklinga frå sagalitteratur til samtidslitteratur. I tillegg lærer du å tolke og analysere litterære tekstar.
Studiet gir deg grunnlag for å undervise i to fag. Du tar master i nordisk og vel eit anna fag i tillegg. Det kan vere engelsk, fransk, tysk, spansk, historie, religionsvitskap, sosiologi eller politikk og forvaltning. Studiet inneheld pedagogikk (korleis vi lærer bort og oppdrar), fagdidaktikk (korleis vi lærer og underviser fag) og praksis i skolen allereie frå første semester
Studiekvardag
I studiet vil du saman med andre lektorstudentar møte faga dine som skolefag gjennom teori og praksis. Du vil òg møte faga som universitetsfag saman med studentar på andre program. Praksisperiodane er obligatoriske og fordelt gjennom studiet. Der får du undervise i skolen og lære ulike måtar å formidle kunnskap på. Det siste året av studiet skal du skrive ei masteroppgåve. Gjennom masteroppgåva får du moglegheit til å forske sjølv og fordjupe deg innanfor eitt område.
Lektorprogrammet har eit godt miljø, med sterkt samhald gjennom heile studiet.
Som student hos oss vil du ha det meste av undervisninga på Nygårdshøyden midt i Bergen sentrum. Du har tilgang til lesesalar, bibliotek, kollokvierom, treningssenter, kantine, kafear og studentbar på campus. Her finn du òg samlingsrommet «Lektors kontor», der lektorstudentane kan øve på undervisningsmetodar og samarbeide i grupper.
Kva kan du jobbe som?
Lektorutdanning gjer deg først og fremst kvalifisert til jobb i den vidaregÃ¥ande skolen eller i ungdomsskolen. Det er stort behov for lektorar i skolen, og lektorar frÃ¥ ºÚÁϳԹÏ×ÊÔ´ er kjent for Ã¥ ha solid fagleg tyngde. Utdanninga gir deg grunnlag for undervisning i to fag.
Utdanninga opnar òg for jobb utanfor skolen med for eksempel formidling, forsking, kommunikasjon og leiing.
Opptakskrav og søknadsfrist
Det er to alternative måter å dekke opptakskravet på.
Du må enten dokumentere:
- gjennomsnittskarakter 3 eller bedre i norsk (393 timer) og
- gjennomsnittskarakter 4 eller bedre i matematikk (224 timer) og
- minst 35 skolepoeng
eller
- gjennomsnittskarakter 3 eller bedre i norsk (393 timer) og
- gjennomsnittskarakter 3 eller bedre i matematikk (224 timer) og
- minst 40 skolepoeng
Du dekker også karakterkravet i matematikk hvis du har bestått ett av følgende programfag: S1, S2, R1 eller R2.
Ved opptak til studiet må du legge fram politiattest.
±«²Ô»å±ð°ù±¹¾±²õ²Ô¾±²Ô²µ²õ²õ±è°ùÃ¥°ì
±«²Ô»å±ð°ù±¹¾±²õ²Ô¾±²Ô²µ²õ²õ±è°ùÃ¥°ì: Norsk
Studiets oppbygging
Lektorutdanninga går over 5 år og gir mastergrad. Dei fire første åra får du undervisning i didaktikk og pedagogikk i tillegg til i dei to undervisningsfaga. Du får òg vere i praksis i skolen dei fire første åra. I det femte året skriv du masteroppgåva. Studiet er bygt opp slik:
1. semester
Examen philosophicum (10 studiepoeng)
Pedagogikk (10 studiepoeng)
Nordisk (10 studiepoeng)
Praksis i skolen (10 dagar)
2. semester
Nordisk (30 studiepoeng)
3. semester
Det andre undervisningsfaget (20 studiepoeng)
Fagdidaktikk i nordisk (10 studiepoeng)
Praksis i skolen (10 dagar)
4. semester
Det andre undervisningsfaget (30 studiepoeng)
5. semester
Nordisk (10 studiepoeng)
Fagdidaktikk i det andre undervisningsfaget (10 studiepoeng)
Pedagogikk (10 studiepoeng)
Praksis i skolen (35 dagar)
6. semester
Nordisk (20 studiepoeng)
Bacheloroppgåve i det andre undervisningsfaget (10 studiepoeng)
7. semester (masternivå)
Masteremne i nordisk (30 studiepoeng)
8. semester
Masteremne i nordisk (20 studiepoeng)
Fagdidaktikk i nordisk (10 studiepoeng)
Praksis i skolen (35 dagar)
9. og 10. semester
Masteroppgåve i nordisk (60 studiepoeng)
Utveksling
Du kan reise pÃ¥ utveksling i fjerde eller sjette semester. ºÚÁϳԹÏ×ÊÔ´ har avtalar med ei rekke universitet i Europa og elles i verda. Eit utvekslingsopphald vil gi deg fagleg, kulturell og sprÃ¥kleg erfaring som du kan bruke i klasserommet. Vi hjelper deg med planlegginga. 
Vidare studiemoglegheiter
Med lektorutdanning har du òg ein mastergrad som kan kvalifisere til søknad til ph.d.-program. Du kan bygge på utdanninga ved å ta 60 studiepoeng i eit anna skolefag, slik at du kan undervise i fleire fag. Det finst også ulike moglegheiter for etter- og vidareutdanning, for eksempel innan spesialpedagogikk, skoleleiing og kollegarettleiing. 
Spørsmål om studiet?
Studieplan
Ein studieplan er eit formelt dokument mellom deg som student og Universitetet i Bergen. Studieplanen skal gi tydelege rammer for studiet, beskrive læringsmåla du skal oppnå og korleis studiet er bygd opp.
