Biologi (bachelor)
Er du interessert i biologi? Vil du lære meir om naturen og korleis levande organismar fungerer? Har du lyst til å lære biologi gjennom aktiv undervisning og praktisk lab- og feltarbeid? Då er bachelorprogrammet i biologi noko for deg!
- Varigheit
- 3 år
- Studieplassar
- 99
- Studiepoeng
- 180
- Studiestart
- Haust
- ±«²Ô»å±ð°ù±¹¾±²õ²Ô¾±²Ô²µ²õ²õ±è°ùÃ¥°ì
- Norsk
Kva lærer du?
På bachelorprogrammet i biologi får du utforske korleis livet faktisk fungerer, heilt frå DNA og celler til artar, økosystem og evolusjon.
Du får reise på feltkurs og jobbe tett på naturen – samle inn data, identifisere artar og forstå biologiske prosessar der dei skjer. I laboratoriet undersøkjer du ulike organismer, tester hypotesar, analyserer prøver og bruker moderne metodar innan genetikk og fysiologi.
Du blir god til å stille spørsmål, finne pålitelege svar og presentere resultata dine både skriftleg og munnleg. Du lærer å vurdere etiske problemstillingar, bruke forskingslitteratur kritisk, og planleggje og gjennomføre prosjekt saman med andre. Du kommer til å sjå biologiske problemstillingar i ein større samanheng og forstå utfordringar knytt til naturkrise, klimaendringar og berekraft.
Dette gir deg eit sterkt og tverrfagleg grunnlag for vidare studium, forskning eller jobb.
Studiekvardag
Du vil høyre til eit engasjert fagmiljø med tett kontakt mellom studentar, undervisarar og forskarar. Du møter både molekylærbiologar, mikrobiologar, zoologar, botanikarar og økologar i løpet av studietida. Bergen ligg strategisk til mellom fjell og fjord, med marine miljø og forskingsinstitutt tett på. Det gir deg unike moglegheiter til å oppleve biologi utanfor campus og bli kjent med andre som deler interessene dine.
Studiet er eit fulltidsstudium, og ei vanleg veke består av førelesningar, studentaktiv undervisning, gruppearbeid, felt- og laboratoriearbeid.
Du har tilgang til ein felles lesesal, men det er mange ulike arbeidsplassar på campus, blant anna Realfagsbiblioteket. Kvar veke er det biORAKEL der du kan få hjelp av eldre studentar, jobbe med medstudentar eller berre vere sosial. Biologisk fagutval (BFU) arrangerer faglege og sosiale arrangement for alle biologistudentar.
Kva kan du jobbe som?
Som biolog kan du arbeide med kartlegging, overvaking og forvaltning av natur og økosystem. Til dømes i Havforskningsinstituttet, Miljødirektoratet, Fiskeridirektoratet eller miljø- og landbruksavdelingar på kommune- og fylkesnivå.
Biologar blir ofte tilsett i konsulentfirma som jobbar med konsekvensutgreiingar, naturkartlegging og overvaking. Til dømes i Rådgivende biologer, Norconsult, Asplan Viak og NIVA.
Du vil kunne jobbe i oppdrettsselskap som Lerøy eller teknologi- og servicefirma som STIM og ILAB.
Lærar eller formidlar på museum, vitensenter, akvarium og i dyrepark er også mogleg.
Opptakskrav og søknadsfrist
Generell studiekompetanse i tillegg til Matematikk R1 (eller S1 og S2). Du må også ha anten:
- Matematikk R2
- Fysikk 1 og 2
- Kjemi 1 og 2
- Biologi 1 og 2
- Informasjonsteknologi 1 og 2
- Geofag 1 og 2
- Teknologi og forskingslære 1 og 2
±«²Ô»å±ð°ù±¹¾±²õ²Ô¾±²Ô²µ²õ²õ±è°ùÃ¥°ì
±«²Ô»å±ð°ù±¹¾±²õ²Ô¾±²Ô²µ²õ²õ±è°ùÃ¥°ì: Norsk
Studiets oppbygging
1. semester:
BIO100 - Innføring i evolusjon og økologi (10 studiepoeng)
MOL100 - Innføring i molekylærbiologi (10 studiepoeng)
MAT101 - Brukarkurs i matematikk I (10 studiepoeng)
2. semester:
BIO101 - Organismebiologi (10 studiepoeng)
KJEM109 - Kjemi grunnkurs (10 studiepoeng)
INF100 - Programmering I (10 studiepoeng)
3. semester:
(10 studiepoeng)
STAT101 - Elementær statistikk (10 studiepoeng)
PHYS101 - Grunnkurs i mekanikk og varmelære (10 studiepoeng)
4. semester:
BIO103 - Cellebiologi og genetikk (10 studiepoeng)
BIO104 - Komparativ fysiologi (10 studiepoeng)
EXPHIL-MNSEM - Examen philosophicum – seminarmodellen (10 studiepoeng)
5. og 6. semester:
Valemne ved ºÚÁϳԹÏ×ÊÔ´ eller utveksling til utlandet/delstudium innan arktisk biologi ved UNIS pÃ¥ Svalbard (30 studiepoeng)
Utveksling
Du kan reise pÃ¥ utveksling i femte og/eller sjette semester. Bachelorprogrammet i biolog har anbefalte avtalar til universitet i Australia, Canada, Nederland, Portugal, Storbritannia, Tsjekkia, Tyskland og USA. Du kan ogsÃ¥ studere arktisk biologi ved UNIS pÃ¥ Svalbard.  ºÚÁϳԹÏ×ÊÔ´ har avtalar med mange andre universitet over heile verda som du kan søke pÃ¥.
Vidare studiemoglegheiter
Bachelorprogrammet i biologi gir grunnlag for opptak til masterprogrammet i biologi og dobbelgraden i global endringsøkologi. Ved å ta visse valfrie emne kan du kvalifisere deg til opptak til masterprogrammet i molekylærbiologi, masterprogrammet i berekraft (spesialisering innan marin berekraft) og masterprogrammet i biomedisin. Dersom du har lyst til å bli lærar kan du også ta PPU.
Spørsmål om studiet?
Studieplan
Ein studieplan er eit formelt dokument mellom deg som student og Universitetet i Bergen. Studieplanen skal gi tydelege rammer for studiet, beskrive læringsmåla du skal oppnå og korleis studiet er bygd opp.
