Gradert talkarakterskala
Før 2003 var karaktersystemet fastsett i regelverket for kvart fakultet,. Med unnatak av dei fakulteta som er særleg nemnde under, var det denne skalaen som vart brukt.
Karakterverdiar frå 1.0 til 6.0
Den graderte talkarakterskalaen hadde karakterverdiar frå 1.0 til 6.0 med trinn på 0,1. 1.0 var beste karakter og 4.0 var dårlegaste ståkarakter.
Karaktertrinna 4.1 - 6.0 vart brukte som hjelpestorleikar i sensurarbeidet og vart normalt ikkje oppgjevne.
Den graderte talkarakterskalaen kunne bli brukt utan tilleggsnemningar og med tilleggsnemningar på latin eller engelsk.
Tilleggsnemningar på latin:
- 1.0 - 1.5 Laudabilis prae ceteris
- 1.6 - 2.5 Laudabilis
- 2.6 - 3.2 Haud illaudabilis
- 3.3 - 4.0 Non contemnendus
- 4.1 - 6.0 Immaturus
Tilleggsnemningar på engelsk:
- 1.0 - 1.5 Excellent
- 1.6 - 2.5 Very Good
- 2.6 - 3.2 Good
- 3.3 - 4.0 Not recommendable but pass
- 4.1 - 6.0 Fail
Gradert bokstavkarakterskala
Den graderte bokstavkarakterskalaen hadde karakterverdiar A, B, C og D for bestått og "Fail" for ikkje bestått. A var beste karakter og D var dårlegaste ståkarakter.
Ugraderte karakterskalaer
- Bestått / Ikke bestått
- Pass / Fail
- Godkjent / Ikke godkjent
- Bestått med laud / Bestått / Ikke bestått
Graderte karakterskalaer brukt ved Det juridiske fakultet
Følgjande karakterskala nytta:
- 2.00 - 2.15 Laudabilis
- 2.16 - 2.35 Står til laudabilis
- 2.36 - 2.55 Kan få laudabilis
- 2.56 - 2.75 Kan vel få laudabilis
- 2.76 - 2.95 Haud illaudabilis
- 2.96 - 3.15 Står til haud illaudabilis
Studenter som fekk dårlegare karakter enn står til haud illaudabilis, hadde ikkje bestått. For dei vart det ikkje sett nokon talverdi.
For eksamenar i profesjonsdelen vart følgjande karakterskala nytta:
- Laudabilis - tre ulike karakterer
- Haud illaudabilis - to ulike karakterer
- Ikke bestått
Det vart ikkje gjeve hovudkarakter.
Gradert karakterskala brukt ved Det medisinske og Det odontologiske fakultet
Før hausten 2003 brukte Det medisinske fakultetet og Det odontologiske fakultet ved Universitetet i Bergen karakterskalaen 6 – 12, der 6 var den lavaste karakteren for å bestå og 12 var den høgast oppnåelege.
For kvar eksamen vart det gjeve ein karakter uttrykt i heile tal frå 12 til 6. Studentar som fekk dårlegare resultat enn 6, hadde ikkje bestått eksamen. For dei blei det ikkje sett nokon talverdi.
Avdelings- og hovudkarakter vart oppgjevne på følgjande måte:
- 11.00 - 12.00 Laudabilis cum litteris commendatitiis
- 9.00 - 10.99 Laudabilis
- 7.00 - 8.99 Haud illaudabilis
- 6.00 - 6.99 Non contemnendus
Fakultetet sjølv gav reglar for utrekning av hovudkarakter, avdelingskarakter og karakterar i fag der karakteren var samansett.